Taýarlyq bırjada jasalǵan mámilelerdiń transferttik baǵa belgileýine baqylaý engizilmek
Elimizde taýarlyq bırjada jasalǵan halyqaralyq mámilelerdiń transferttik baǵa belgileýine baqylaý engizilmek, dep habarlaıdy Kazinform.
«Búginde taýarlyq bırjalarda jasalatyn mámilelerge baqylaýdyń joqtyǵy eksporttaýshylarǵa taýarlyq bırja arqyly ónimin naryqtan tómen baǵamen satýǵa múmkindik berip otyr. Atalǵan zań (búgin Májilistiń jalpy otyrysynda birinshi oqylymda maquldanǵan «Qazaqstan Respýblıkasynyń keıbir zańnamalyq aktilerine transferttik baǵa belgileý máseleleri boıynsha ózgerister men tolyqtyrýlar engizý týraly» zań jobasy) qabyldanǵannan keıin ókiletti organ respýblıkanyń taýarlyq bırjalarynda jasalǵan halyqaralyq mámilelerge baqylaýdy ózine qaıtaryp alǵysy keledi», - dedi agenttik tilshisiniń saýalyna jaýap bergen Májilis depýtaty Ádil Jubanov.
Osy oraıda ol elimizde qansha taýarlyq bırja jumys istep turǵanyn atap ótti.
«Qazirgi ýaqytta elimizdiń aýmaǵynda 10-nan astam taýarlyq bırja jumys isteıdi. Olarda jasalǵan mámileler ókiletti organdardyń tarapynan monıtrıngten ótip, salyqtyq tekserý júrgiziletin bolady. Bul ózgertýler bıýdjettik kiris bóligine oń áserin tıgizedi. Óıtkeni endigi ýaqytta eksporttaýshylar taýarlaryn tómendetilgen baǵamen sata almaıdy», - dedi Májilis depýtaty.
