10:25, 19 Aqpan 2021 | GMT +5
Taýarlarǵa ilespe júkqujatty rastaý úshin arnaıy chat-bot iske qosyldy
NUR-SULTAN. QazAqparat - Memlekettik kirister komıteti EAEO elderinen memlekettik shekarany kesip ótý kezinde rastalmaǵan ımport taýarlaryna ilespe júkqujattardy rastaý protsesin ońtaılandyrýǵa múmkindik beretin Telegram chat-botty iske qosty, dep habarlaıdy QazAqparat.
Taýarlarǵa ilespe júkqujattardy rastaý úshin málimetter jiberilgen kezde, chat-bot taýarlardy ákelingen ótkizý pýnktiniń qyzmetkerlerine derekterdi avtomatty túrde qaıta jiberedi.
Taýarlarǵa ilespe júkqujattardy memlekettik kirister organdarynyń qyzmetkeri rastaǵan sátte, chat-botqa rastaý týraly habarlama keledi.
«Telegram messendjerindegi chat-botqa qosylý úshin @snt-approval_bot terip, jumysty bastaý jáne chat-bottyń suraýlaryn oryndaý qajet» dep tolyqtyrdy Memlekettik kirister komıtetinde.
Barlyq suraqtar boıynsha komıtettiń baılanys telefonyna +7 701 707 1411 whatsapp messendjeri arqyly habarlama jiberýge bolady.