Taýarlarǵa ilespe júkqujattar boıynsha pılottyq joba merzimi uzartylady

NUR-SULTAN. QazAqaparat – Kóleńkeli ekonomıkaǵa qarsy kúresti jáne taýarlar qozǵalysynyń búkil tizbegindegi ashyqtyqty qamtamasyz etý maqsatynda qazirgi ýaqytta taýarlarǵa ilespe júkqujattardy engizý jobasy jasalýda. Pılottyq joba kezinde aıyppuldar men basqa sanktsııalar qoldanylmaıdy. Bul týraly Ortalyq kommýnıkatsııalar qyzmetinde ótken brıfıngide QR QM Memlekettik kirister komıteti tóraǵasynyń orynbasary Jaıdar Іńkárbaev aıtty, dep habarlaıdy QazAqparat tilshisi.

Pılottyq jobanyń mindeti - osy protseske qatysatyn barlyq júıelerdi qalpyna keltirý.

«Salyq tóleýshilerdiń kóptegen ótinishteri boıynsha pılot jobanyń merzimi:

aktsızdeletin taýarlar boıynsha - 2021 jylǵy 1 shildege deıin; EAEO-dan ákelinetin/EAEO-ǵa áketiletin taýarlar boıynsha -2021 jylǵy 1 shildege deıin; vırtýaldyq qoımanyń taýarlary boıynsha - 2021 jyldyń 1 qarashasyna deıin keıinge shegeriledi. DSU-nyń alý tizbesindegi taýarlar jáne tsıfrlyq tańbalaý qoldanatyn taýarlar boıynsha pılottyń bastalý merzimi 2021 jylǵy 1 aqpannan 2021 jylǵy 1 shildege, aıaqtalý merzimi - 2021 jylǵy 1 shildeden 2022 jylǵy 1 aqpanǵa aýystyrylady.

«Memleket basshysynyń keshegi tapsyrmalaryn oryndaý maqsatynda Pılot osy jyldyń 1 qazanyna deıin uzartylady», - deıdi Jaıdar Іńkárbaev.

Onyń aıtýynsha, bólshek saýda dúkender úshin taýarlarǵa ilespe júkqujattardy jazyp, Vırtýaldy qoımany júrgizýdiń qajeti joq

«Taýarlardyń bólshek saýdasymen aınalysatyn salyq tóleýshiler úshin (onyń ishinde «úı janyndaǵy dúkender») Taýarlarǵa ilespe júkqujattardy jazyp, Vırtýaldy qoımany júrgizýdiń qajeti joq. Olar tek satyp alynǵan alkogol ónimderine jáne temekige arnalǵan TІJ rastaıdy. Mundaı rásimdi Play MARKET-te qoljetimdi EShF AJ tegin mobıldi qosymshasynyń kómegimen júzege asyrýǵa bolady. Qalǵan taýarlar úshin alynǵan ónimdi rastaý qajet emes», - deıdi ol.