Taýarlardyń tranzıti kezinde elektrondy kedendik súıemeldeý engiziledi
«16 mamyrda Qarjy mınıstriniń «Kólik quraldaryn elektrondy kedendik alyp júrýdi qoldaný, sondaı-aq memlekettik kirister organdarynyń, deklaranttyń, halyqaralyq avtomobıl tasymaldaryn qadaǵalaý aqparattyq júıesiniń ulttyq operatorynyń jáne tasymaldaýshynyń kólik quraldaryn elektrondyq kedendik alyp júrý kezinde ózara is-qımyl jasaý qaǵıdalaryn bekitý týraly» 2021 jylǵy 28 sáýirdegi № 407 buıryǵy qoldanysqa enedi.
Buıryq «Qazaqstan Respýblıkasyndaǵy kedendik retteý týraly» QR Kodeksiniń 437-babyn iske asyrý maqsatynda ázirlengen jáne spýtnıktik navıgatsııanyń tehnıkalyq quraldaryn (navıgatsııalyq plombalar) paıdalaný arqyly kedendik tranzıttiń kedendik rásimine sáıkes Qazaqstan aýmaǵynda sheteldik taýarlardyń tasymaldanýyn qadaǵalaýdy kózdeıdi», delingen habarlamada.
Komıtettiń málimetinshe, atalmysh buıryqty ázirleý kezinde navıgatsııalyq plombalardy qoldanyp pılottyq jobalardy ótkizý tájirıbesi, sondaı-aq Eýrazııalyq ekonomıkalyq komıssııa alańynda Taýarlar tranzıtiniń biryńǵaı júıesin jetildirý boıynsha júrgizilgen jumys eskerilgen.
Elektrondy kedendik súıemeldeý «jasyl» aımaqta ornalasqan qazaqstandyq ımporttaýshylardyń meken-jaıyna ákelingen, keden zańnamasyn buzý qaýpine az ushyraıtyn sheteldik taýarlardyń sanattaryna qatysty táýekelderdi basqarý júıesiniń usynymdary negizinde qoldanylady.
«Tikeleı elektrondy kedendik súıemeldeý kólik quraldarynyń júk bólimderine navıgatsııalyq plombalardy ilý jáne kólik quraly jóneltiletin keden organynan bastap baratyn keden organyna deıingi qozǵalysyn qashyqtyqtan qadaǵalaý arqyly júzege asyrylady», - delingen habarlamada.
Elektrondy kedendik súıemeldeýdi engizý tranzıt kezinde kedendik operatsııalardy jeńildetýge, olardy júzege asyrý ýaqytyn jáne tranzıttik tasymaldaýǵa qarjylyq shyǵyndardy qysqartýǵa baǵyttalǵan.
