Taýarlardyń tańbalanýy baǵaǵa áser etpeýi tıis- Nurlan Nyǵmatýlın

ASTANA. QazAqparat - QR Parlament Májilisiniń tóraǵasy Nurlan Nyǵmatýlın taýarlardy tańbalaýdy engizý barysynda ónim baǵasynyń ósimine jol bermeý kerektigin aıtty, dep habarlaıdy QazAqparat.

Búgin Parlament Májilisiniń jalpy otyrysynda «Eýrazııalyq ekonomıkalyq odaqta taýarlardy sáıkestendirý quraldarymen tańbalaý jónindegi kelisimdi ratıfıkatsııalaý týraly» zań jobasy maquldandy.

Qujat aıasynda EAEO aıasynda taýarlardy tańbalaýdy engizý máselesi talqylandy.

Májilis tóraǵasy dárilik zattardy tańbalaýǵa jatatyn taýarlardyń ilki tizimine engizilýi týraly sheshimdi qoldady.

«Búginde barlyq damyǵan elder dárilik zattaryn tańbalaıdy. Sáıkesinshe, bizge de osy protsesterden qalmaý kerek. Turǵyndar elimizdegi dárihanalar men aýrýhanalarǵa  tek sapaly preparattar jetkiziletinine senimdi bolýy tıis», - dedi N. Nyǵmatýlın.

Sonymen qatar, ol ónim baǵasynyń negizsiz ósýine jol berilmeýi kerektigin atap ótti.

«Tańbalaýdy engizý dári-dármek baǵasynyń ósýine yqpal etpeýi kerek.  Bul másele atalǵan qadamdar turǵysynda negizge alynýy qajet. Sebebi bul taqyryp halyq úshin mańyzdy», - dedi Nurlan Nyǵmatýlın.