Taýarlardyń kólemi men baǵasyn erekshe baqylaýda ustaý qajet – Úkimet basshysy
«Birinshiden, Saýda mınıstrligi satyp alynatyn jáne satylatyn taýarlardyń kólemi men baǵasyn erekshe baqylaýda ustasyn. Ekinshiden, óńir ákimdikteri naryqtaǵy turaqtylyqty qamtamasyz etýge arnalǵan taýarlardy tek qana kassalyq apparattardy qoldanatyn saýda obektilerinde satýdy iske asyrýy tıis», - dedi Álıhan Smaıylov Úkimet otyrysynda.
Osy rette Premer-Mınıstr óńir ákimdikteri barlyq aýdandardy qamtı otyryp, jármeńkelerdi ótkizýdi turaqty túrde jalǵastyrýy kerektigin eskertti.
«Úshinshiden, Aýyl sharýashylyǵy mınıstrligi úlgilik qaǵıdalarmen qabyldanǵan jańa tásilderdi iske asyrýdy sapaly túrde ákimshilendirýdi qamtamasyz etýi tıis. Sondaı-aq, forvardtyq satyp alý shartynyń biryńǵaı formatyn ázirleý kerek. Onda baǵa belgileý, taýar kólemi, qarsy mindettemeler men aıyppul sanktsııalarynyń mindetti sharttary kórsetilýi kerek», - dedi ol.