Taýarlar sapasyn tekseretin arnaıy komıtet qurý qajet - Elbasy
«Ult saýlyǵy - memlekettiń basty basymdyǵy. Bul - qazaqstandyqtar sapaly azyq-túlikti paıdalanýǵa tıis degen sóz. Búginde halyqty sapasyz ári densaýlyqqa jáne ómirge qaýip tóndiretin taýarlar men kórsetiletin qyzmetterden qorǵaıtyn tutas saıasat joq», - dedi QR Prezıdenti.
Osy rette Elbasy Úkimetke sharalar qabyldaýdy jáne osy jumysty retke keltirýdi tapsyrdy.
«Múmkin Taýarlar men kórsetiletin qyzmet sapasyn jáne qaýipsizdigin baqylaý komıtetin qurý kerek shyǵar. Eń aldymen ol azyq-túlikke, dári-dármekke, aýyz sýǵa, balalar taýaryna, medıtsınalyq qyzmet kórsetýge saraptama júrgizýdi qamtýy tıis. Adamnyń densaýlyǵy osylardan bastalady emes pe. Bul oraıda, tutynýshylardyń quqyqtaryn qorǵaıtyn qoǵamdyq uıymdardy ınstıtýtsıonaldy turǵydan kúsheıtip, olardy belsendi paıdalanǵan jón», - dedi Nursultan Nazarbaev.
