Taýarlar halyqqa deldaldarsyz tikeleı jetkizilý qajet - Memleket basshysy
;ALMATY. Qarashanyń 13-i. QazAqparat /Erlik Erjanuly/ - Sheneýnikter naqty istermen aınalysýy kerek.
Elbasy búgin qazaqstandyqtarmen tikeleı jeli arqyly suhbattasqan kezde osylaı málim etti, dep habarlaıdy QazAqparat.,
«Men Almatydaǵy «Arzan» dúkeninde boldym. Taýarlar onda 15-20 paıyzǵa arzan. Qazir qalada mundaı 10 dúken bar. Oǵan taýarlar tikeleı óndirisshilerden jetkiziledi. Raıymbek tobynyń mundaı dúkenderi Qazaqstannyń barlyq óńirinde bolý kerek», dedi Nursultan Nazarbaev. Kúzgi jıyn-terin kezinde janar-jaǵarmaı baǵasynyń qymbattaýy ádetke aınalyp ketkeni shyndyq. Elbasy búkil álemde munaı baǵasy arzandap jatqanda, bizde baǵanyń kóterilýine baılanysty atqarýshy organdarǵa osy keraǵarlyqtyń jaı-japsaryn anyqtap, qorytyndysyn baıandaýdy tapsyrdy.
