Taýardy durys deklaratsııalamaǵandarǵa jaýapkershilik kúsheıtilmek

NUR-SULTAN. QazAqparat – Elimizde taýardy durys deklaratsııalamaǵandarǵa ákimshilik jaýapkershilik kúsheıtilmek. Bul týraly búgin Úkimet otyrysynda QR Qarjy mınıstri Erulan Jamaýbaev aıtty, dep habarlaıdy QazAqparat tilshisi.

«Memleket basshysynyń transshekaralyq saýdany baqylaýdy kúsheıtý jónindegi tapsyrmalary aıasynda taýarlardy durys deklaratsııalamaǵany úshin keden salasyndaǵy ákimshilik jaýapkershilikti kúsheıtý usynylady. Bul keden salasyndaǵy quqyq buzýshylyqtardyń sanyn qysqartýǵa múmkindik beredi», - dedi Erulan Jamaýbaev.

Sonymen qatar ol bıýdjettiń kirister bóligin ońtaılandyrý jáne durys boljaý úshin respýblıkalyq bıýdjetke korporatıvtik tabys salyǵyn tóleýshilerdiń tizbesin qalyptastyrý tártibin qaıta qaraý boıynsha Bıýdjet kodeksine túzetýler engizý usynylatyndyǵyn aıtty.