Taýardy tańbalaýdyń mańyzdylyǵyn kásipkerlerge túsindirý jumysy júrgizilmeı otyr — Úkimet basshysy

ASTANA. KAZINFORM — Premer-mınıstr Oljas Bektenov saýda salasyn tehnıkalyq retteý máselesin kóterdi.

— Kásipkerler sertıfıkattaý rásiminiń ashyq emestigi men qaǵaz keıbir qujattyń qaıtalanatynyn aıtyp jatyr. Bul máseleni sertıfıkattaý, akkredıtteý jáne standarttaý tetigin jańǵyrtýǵa baǵyttalǵan tehnıkalyq retteý júıesi sheshýge tıis. Osyǵan baılanysty saýda, qarjy jáne tsıfrlandyrý mınıstrligi jyl sońyna deıin E-TRMK júıesin salalyq memlekettik organdardyń aqparattyq júıelerimen tolyq ıntegratsııalaýdy qamtamasyz etýi qajet, — dedi Oljas Bektenov Úkimet otyrysynda.

Úkimet basshysynyń aıtýynsha, taýarlardy tańbalaýdy engizý máselesine qatysty bıznes tarapynyń suraǵy kóp. 

— Taýarlardy tsıfrlyq tańbalaý jobasy ishki naryqty kontrafaktilik jáne sapasyz ónimderden qorǵaýǵa, otandyq óndirýshilerdiń básekege qabilettiligin arttyrýǵa baǵyttalǵan. Menińshe, saýda mınıstrligi tarapynan tańbalaýdyń mańyzdylyǵy men oń áseri týraly kásipkerlerge tıisti túsindirý jumystary júrgizilmedi. Sondyqtan aqparattyq-túsindirý naýqanyn kúsheıtip, tańbalaýǵa jatatyn taýarlar tizbesin keńeıtýdi jalǵastyrý kerek, — deıdi ol.

Sondaı-aq elimizde azyq-túlik vaýcheri pılottyq jobasy iske qosylady. 

Aıta keteıik, elimizde jańa saýda marketpleısin iske qosý pysyqtalyp jatyr.