Taýardy nesıege satyp alǵanda baǵanyń ózgerýi qanshalyqty zańdy

Óskemen qalasynyń turǵyny Áıgerim Sapanova saýda oryndarynyń birine baryp, úıine perde almaqshy bolǵanyn, sol kezde satýshy nesıege alsa baǵa ústine 10 paıyz qosylatynyn aıtqanyn jetkizdi. 

- Bul qanshalyqty zańdy? Tek sol jerde emes, qaladaǵy talaı saýda oryndarynda osyndaı talap qoıylyp jatady. Nege kásipker bankke tóleıtin paıyzyn satyp alýshy esebinen toltyrýy kerek? Bul onsyz da qymbattap turǵan baǵany odan saıyn qoljetimsiz ete túsedi, - deıdi ol.

Osyǵan qatysty Shyǵys Qazaqstan oblysy boıynsha Saýda jáne tutynýshylar quqyqtaryn qorǵaý departamentinen jaýap berdi.

- Satýshy taýardy sórede kórsetilgen baǵamen satýǵa mindetti. «Tutynýshylar quqyqtaryn qorǵaý týraly» zań boıynsha tólem kezinde baǵany ózgertýge bolmaıdy. Eger dúkende tólem kezinde sóredegi baǵa asyrylsa, kásipkerge Ákimshilik quqyq buzýshylyq týraly Kodekstiń 193-baby, 4-bóligine sáıkes aıyppul salynady. ıAǵnı, shaǵyn kásipkerlik sýbektilerine – 6 AEK (25 950 teńge), orta kásipkerlik – 10 AEK (43 250 teńge), iri kásipkerlik sýbektilerine – 30 AEK (129 750 teńge). Sonymen qatar tekserý nátıjesinde artyq tólengen aqsha tutynýshyǵa qaıtarylady jáne ol E-Otinish portaly arqyly shaǵym bere alady, - dep habarlady departamentten. 

Eske salsaq, osyǵan deıin BQO-da 90-nan astam kásipkerdiń saýda baǵasyn asyryp satqany belgili bolǵany habarlanǵan.