Taýar sapasyn baqylaıtyn komıtet qashan qurylady
Onyń aıtýynsha, Memleket basshysy Nursultan Nazarbaev Taýarlar men qyzmetterdiń sapasyn jáne qaýipsizdigin baqylaý komıtetin qurýǵa qatysty Úkimet ádisterin maquldaǵan.
«Osyǵan oraı, aǵymdaǵy jyldyń birinshi toqsanynda Farmatsııa komıteti men Qoǵamdyq densaýlyqty saqtaý komıtetterin qosý jolymen QR densaýlyq saqtaý mınıstrliginiń Taýarlar men qyzmetterdiń sapasyn jáne qaýipsizdigin baqylaý komıteti qurylady. Oǵan adam densaýlyǵyna áser etetin taýarlar men qyzmetterdiń sapasyn jáne qaýipsizdigin, medıtsınalyq qyzmetter sapasyn, dárihanalardaǵy shekti bólshek baǵany saqtaýǵa baqylaýdy qosa alǵanda dári-dármekter men medıtsınalyq buıymdarynyń aınalymy salasyn, halyqtyń sanıtarlyq-epıdemıologııalyq saýlyǵyn qamtamasyz etý salasyn baqylaý qyzmetteri beriledi», - dep atap ótedi B.Saǵyntaev.
Sonymen qatar, Premer-Mınıstrdiń dereginshe, Úkimet taýarlar men qyzmetterdi standarttaýdy damytý jáne sapasyn qamtamasyz etý jónindegi keshendi jospar qabyldaýdy josparlap otyr. Atalǵan jospar aıasynda halyqaralyq standarttar men Erazııalyq ekonomıkalyq odaq talaptaryna saı keletin taýarlar men qyzmetterdiń jańa standarttary ázirlenip, qoldanystaǵy standarttar jetildiriledi.