Taýar bırjasyndaǵy astyqtyń baǵasy turaqty
ALMATY. Naýryzdyń 9-y. QazAqparat /Erbol Azanbek / - «Eýrazııalyq saýda júıesi» taýarlyq bırjasynda 3, 4-shi synypty astyq úshin kezekti saýda ótti,
dep habarlaıdy QazAqparat.
Kúndizgi sessııa barysynda 3 synypty astyq úshin jalpy quny 11 752 000 teńgege naýryz, sáýir, mamyr aılarynda oryndalýy tıis 12 fıýcherstik kelisimshart jasalyndy. Naýryz aıynda oryndalýy tıis fıýcherstik kelisimsharttyń baǵasy 15400-den 15 myń teńge aralyǵynda boldy. Sessııa qorytyndysy boıynsha 15 myń teńgeni qurady.
Al 3 synypty astyqtyń sáýir aıyndaǵy fıýcherstik baǵasy aldyńǵy saýdamen salystyrǵanda 250 teńgege arzandap, sessııanyń jabylýy kezinde tonnasyna 15100 teńge boldy. Mamyr aıyndaǵy fıýcherstik kelisimniń baǵasy da 250 teńgege tómendep, sessııanyń jabylýy kezinde 15100 teńgeni qurady.
4-shi synypty astyqtyń naýryz aıyndaǵy baǵasy tonnasyna 14050 teńge boldy. Al sáýir aıyndaǵy kelisim baǵasy 590 teńgege qymbattap, tonnasyna 12890 teńgeni qurady. Mamyr aıyndaǵy kelisim baǵasy da 580 teńgege ósip, tonnasyna 12870 teńge boldy.
Bırjanyń sarapshylary saýda qorytyndysy boıynsha jalpy alǵanda astyq baǵasy turaqty qalǵanyn aıtyp otyr.
