Taýar bırjalary salasyndaǵy qyzmetti lıtsenzııalaý erejesin bekitý týraly QR Úkimetiniń Qaýlysyna ózgertýler engizildi
ASTANA. Qyrkúıektiń 28-i. QazAqparat - "Taýar bırjalary salasyndaǵy qyzmetti lıtsenzııalaý erejesin jáne taýar bırjalary, bırjalyq brokerler men bırjalyq dılerler qyzmetine qoıylatyn biliktilik talaptaryn bekitý týraly" Qazaqstan Respýblıkasy Úkimetiniń qaýlysyna tolyqtyrýlar men ózgertýler engizildi. QazAqparat qujattyń tolyq mátinin jarııalaıdy.
Qazaqstan Respýblıkasy Úkimetiniń qaýlysy №894
2010 jylǵy 4 qyrkúıek Astana, Úkimet úıi
Qazaqstan Respýblıkasy Úkimetiniń 2009 jylǵy 26 qarashadaǵy №1942 qaýlysyna tolyqtyrýlar men ózgerister engizý týraly
Qazaqstan Respýblıkasynyń Úkimeti qaýly etedi:
1. "Taýar bırjalary salasyndaǵy qyzmetti lıtsenzııalaý erejesin jáne taýar bırjalary, bırjalyq brokerler men bırjalyq dılerler qyzmetine qoıylatyn biliktilik talaptaryn bekitý týraly" Qazaqstan Respýblıkasy Úkimetiniń 2009 jylǵy 26 qarashadaǵy № 1942 (Qazaqstan Respýblıkasynyń PÚAJ-y, 2009 jyl, № 56, 181-qujat) qaýlysyna mynadaı tolyqtyrýlar men ózgerister engizilsin:
1) kórsetilgen qaýlymen bekitilgen Taýar bırjalary salasyndaǵy qyzmetti lıtsenzııalaý erejesinde:
mynadaı mazmundaǵy 7-1-tarmaqpen tolyqtyrylsyn:
"7-1. Lıtsenzıar ótinish berýshiniń qujattaryn alǵan sátten bastap eki jumys kúni ishinde qujattardyń tolyqtyǵyn tekserýge mindetti. Qujattardyń tolyq emestigi faktisi belgilengen jaǵdaıda lıtsenzıar ótinish berýshige kórsetilgen merzimde odan ári qaraýdan jazbasha, dáleldi túrde bas tartady. Ótinish berýshi kórsetilgen kedergilerdi joıǵan kezde qujattar osy Ereje talaptaryna sáıkes qaralady.";
8-tarmaqtyń 5) tarmaqshasyndaǵy "bas tartylýy múmkin" degen sózder "bas tartylady" degen sózdermen aýystyrylsyn;
2) kórsetilgen qaýlymen bekitilgen Taýar bırjalary, bırjalyq brokerler jáne bırjalyq dılerler qyzmetine qoıylatyn biliktilik talaptarynda:
1-tarmaqta: 4) tarmaqshada:
úshinshi jáne jetinshi abzatstar alynyp tastalsyn;
tórtinshi abzats "qarjylyq" degen sózdiń aldynan "taýar bırjalary salasynda jáne/nemese" degen sózdermen tolyqtyrylsyn; 7) tarmaqsha alynyp tastalsyn;
2-tarmaqta: 1) tarmaqshada:
birinshi abzats mynadaı redaktsııada jazylsyn:
"1) uıymnyń birinshi basshysynda:";
úshinshi, tórtinshi jáne jetinshi abzatstar alynyp tastalsyn; besinshi abzats mynadaı redaktsııada jazylsyn: "uıym qyzmetkerlerinde (bırjalyq saýdamen aınalysatyn):";
2. Osy qaýly alǵashqy resmı jarııalanǵanynan keıin kúntizbelik jıyrma bir kún ótken soń qoldanysqa engiziledi.
Qazaqstan Respýblıkasynyń Premer-Mınıstri K. MÁSІMOV
