Taý jynystary Kólsaıǵa qaraı jyljyp keledi
ASTANA. QazAqparat - Almaty oblysynda kóship jatqan taý bókteriniń mańyna apattyq-qutqarý toptaryn jasaqtaý jumystary jalǵasýda. Bul týraly QR ІІM Tótenshe jaǵdaılar komıtetiniń resmı ókili Rýslan Imanqulov málim etti, dep habarlaıdy QazAqparat.
Onyń aıtýynsha, qazirdiń ózinde ol jerge «Qazseldenqorǵaý» mekemesiniń 20-dan astam arnaıy ınjenerlik tehnıkasy toptastyrylǵan. Arnaıy tehnıkalar qatarynda býldozer, greıder, ekskavator, frontaldy tıeýish jáne júk kólikteri bar.
Oqıǵa ornyna Almaty oblystyq TJD jedel shtaby ornalasty. Olar qajetti baılanys quraldarymen jabdyqtalǵan.
«Taý jynystarynyń jyljýy 900 metrge deıin sozylǵan, qazir ol Kólsaı jaqqa qaraı kóship barady», - dedi TJK resmı ókili.
Eske sala ketsek, 19 sáýirde Almaty oblysynda QR ІІM TJK-nyń «Qazseldenqorǵaý» MM gıdrobeketiniń baqylaýshylary kóshkin qaýpi bar ýchaskelerdi tekserý barysynda Kegen aýdany aýmaǵynda taý bókteriniń ornynan kóshkenin anyqtady.
