Taý shańǵy sportynan Zakýrdaev pen Grıgorova kelesi kezeńge ótpeı qaldy

PHENChHAN. QazAqparat - Búgin Ońtústik Koreıanyń Phenchhan qalasynda ótip jatqan HHIII qysqy Olımpıada oıyndarynda taý shańǵy sportynan  Igor Zakýrdaev pen Marııa Grıgorova irikteý kezeńinen ótpeı qaldy, dep habarlaıdy QazAqparat tilshisi.

Erler arasynda sýper gıgant synynda baq talastyrǵan Zakýrdaev máre syzyǵyna 39-shy bolyp jetse, áıelder arasynda el namysyn qorǵaǵan otandasymyz Marııa Grıgorova 57-shi orynǵa taban tiredi.

Atalǵan dodada erler arasynda birinshi jáne ekinshi oryndardy norvegııalyq shańǵyshylar Aksel Lýnd Svındal men Hetıl ıAnsrýd bólisse, shveıtsarııalyq Beat Foıts úshinshi oryndy qanaǵat tutty.

Al áıelderden eń úzdik orynǵa ıtalııalyq Manýela Molgg qol jetkizdi, ekinshi oryndy AQSh sportshysy Maıkl Shıffın jeńip aldy. Al úshinshi oryndy taǵy bir ıtalııalyq sportshy Federıka Brıgnon enshiledi.