Taý shańǵysy: Aleksandra Skorohodova Germanııadaǵy FIS týrnırinde úzdik ondyqqa endi

ASTANA. KAZINFORM – Qazaqstan quramasy taý shańǵysy sportynan Germanııanyń Garmısh-Partenkırhen qalasynda ótken FIS halyqaralyq týrnırinde óner kórsetti. 

Bul jarysta Aleksandra Skorohodova men Rostıslav Hohlov baq synady. Sondaı-aq olar 2026 jylǵy qysqy Olımpıada oıyndaryna qatysady.

Ulttyq olımpıadalyq komıtettiń málimetinshe, Skorohodova úlken jyldamdyqpen tómen túsý saıysynda 8-orynǵa turaqtady. Al sýper gıgantta qazaqstandyq sportshy 6-orynǵa ıe boldy.

Erler arasynda Hohlov úlken jyldamdyqpen tómen túsýde eki márte baq synap, 12 jáne 15-oryndarǵa jaıǵasty. Al sýper gıgantta 23-shi nátıje kórsetti.

Eske salsaq, budan buryn Qazaqstan short-trekten jasóspirimder arasyndaǵy álem chempıonatyn 2 medalmen aıaqtaǵanyn jazǵan edik.