Taý saıahatshylaryna arnalǵan mobıldi qosymsha iske qosylady

ASTANA. QazAqparat – Elimizde taýǵa saıahattaýdy unatatyn týrısterge arnalǵan mobıldi qosymsha ázirlenip jatyr. Bul týraly Tótenshe jaǵdaılar birinshi vıtse-mınıstri Ibragım Kúlshimbaev málim etti, dep habarlaıdy QazAqparat tilshisi.

«Halyq arasynda profılaktıkalyq jumys turaqty uıymdastyrylyp jatyr. ıAǵnı qar kóshkini, sel júrý jáne sý tasqyny qaýpi týraly túsindirme aqparattar taratylýda. Sonymen qatar BAQ arqyly da málimetter taratylyp, túsindirý jumystary keńinen júrip jatyr. Taýly jerlerde arnaıy qutqarý beketteri quryldy. Oqıǵa ornyna shuǵyl jetýdi qamtamasyz etý úshin qutqarýshylar táýlik boıy kezekshilik etýde. Bul joǵalǵan adamdardy izdestirý-qutqarý kezinde ýaqyt únemdeýge septigin tıgizedi», - dedi Ibragım Kúlshimbaev OKQ-de ótken brıfıngide.

Odan ári TJM birinshi vıtse-mınıstri týrısterge arnalǵan jańa mobıldi qosymsha týraly áńgime órbitti.

«Týrıstik navıgatsııanyń biryńǵaı júıesin qurý jáne Tótenshe jaǵdaılar departamentteriniń bazasymen ıntegratsııalanatyn taýǵa joryqty unatatyn áýesqoılar úshin «Tau Go» smart-navıgator mobıldi qosymshasyn iske qosý boıynsha jumys júrgizilýde. Odan bólek, 2 GIS júıesi arqyly oflaın rejımde jumys isteıtin taýly aımaqtardaǵy týrıstik marshrýttardy tsıfrlandyrý boıynsha sharýa qolǵa alyndy», - deıdi ol.

I. Kúlshimbaevtyń aıtýynsha, týrısterdiń qaýipsizdigi úshin shuǵyl qyzmet telefondary kórsetilgen aqparattyq taqtaıshalar ornatylmaq.

Mınıstr orynbasary keltirgen málimet boıynsha qys bastalǵaly taýda adasqan 147 týrısti tabýda 14 izdestirý-qutqarý jumysy júrgizildi.