«Taý-Ken Samuryq» kompanııasyna ǵylymı ınstıtýttardy qosqan durys emes - professor
«Iá, «Taý-Ken Samuryq» kompanııasy óz quramyna Metallýrgııa jáne ken baıytý ınstıtýyn, sondaı-aq, ıAdrolyq fızıka ınstıtýtyn qosýdy kózdeıdi. Ol jaıynda Úkimette de aıtyldy. Atalǵan ınstıtýttardyń bizge eshbir qatysy joq. Degenmen, men ondaı bastamalarǵa qarsymyn. Máselen, osydan on jyl buryn ǵylymı-zertteý uıymdaryn joǵary oqý oryndaryna berip edik. Sonyń saldarynan biraz myqty ǵylymı ortalyqtardy joǵaltyp aldyq. Olar múldem jabyldy. Sosyn «QazMunaıGaz» kompanııasyna eki ınstıtýtty bergen edi. Qazir ekeýi de jekemenshik mekeme bolyp ketti», - dedi Á.Jarmenov elordada ótken baspasóz máslıhatynda.
Ǵalymnyń aıtýynsha, ǵylymı-zertteý uıymdaryn básekelestik ortaǵa berýden paıda joq. Sebebi ondaı mekemelerge ózdigimen tabys tabý qıyn. Ol tabysty tapqan kúnniń ózinde tapsyrystardyń aıasynan shyǵa almaıdy. Qazirdiń ózinde ondaı tájirıbeni tek damyǵan memleketter ǵana iske asyrady. Olardyń sany da kóp emes.
«Kezinde bizdiń ınstıtýtymyzdy da básekelestik ortaǵa beremiz degende men birden aryzymdy jazyp, osydan ne isteseńder de, sony isteńder dep, ketýge daıyn boldym. Bul jerde mańyzdy bir máseleni eskerý kerek, ǵylymnan keletin paıda tek 30-40 jyldan keıin ǵana seziledi. Ondaıǵa kim daıyn? Ókinishke qaraı, bizde 20 jyl túgil, 20 kún kúte almaıdy. Sondyqtan ǵylymı uıymdardy bıýdjettiń esebinen ustaý qajet. Sonda erkindik te bolady. Shetelde ǵylymı-zertteý ınstıtýttarynyń basym bóligi jekemenshikte deıdi. Ol - ótirik. Sebebi Nobel laýreattarynyń 95 protsenti - memlekettik mekemeden shyqqan ǵalymdar», - dep atap kórsetti Á.Jarmenov.
Aıta keteıik, Úkimettiń sońǵy otyrysynda «Samuryq-Qazyna» qorynyń basshysy Axmetjan Esimov «Taý-Ken Samuryq» kompanııasyn kúsheıtý máselesin kótergen bolatyn. «Biz buny kezinde Elbasyna usynǵanbyz. Ózińiz de jaqsy bilesiz, Asqar Uzaqbaıuly (QR Premer-Mınıstri - avt.). Bul - «Taý-Ken Samuryq»-tyń negizinde satylmas biriktirilgen keshen qurý máselesi. Qor taý-ken jáne metalýrgııalyq salany keshendi damytý, onyń ishinde geologııalyq barlaý jáne ǵylymı-texnıkalyq áleýetti arttyrý múmkindikterin qarastyrýda. Ol úshin Qazgeologııa, Metallýrgııa jáne ken baıytý ınstıtýty, sondaı-aq, ERG aktsııalarynyń memlekettik paketi sııaqty aktıvterdiń áleýetin «Taý-Ken Samuryq» kompanııasyna berý jolymen shoǵyrlandyrýdy talap etedi», - dedi A.Esimov.
