Taý-ken ónerkásibi ónimderiniń baǵasy ósken kezde memleket salaǵa salynatyn salyqty ulǵaıtatyn bolady - Premer-Mınıstr
sp;ASTANA. Jeltoqsannyń 10-y. QazAqparat /Ernur Aqanbaı/ - Taý-ken ónerkásibi ónimderiniń baǵasy ósken kezde memleket salaǵa salynatyn salyqty ulǵaıtatyn bolady.
Bul týraly búgin Astanada ótip jatqan taý-ken metallýrgııa qyzmetkerleriniń ІІ sezinde Premer-Mınıstr Kárim Másimov málimdedi, dep habarlaıdy QazAqparat.
«Ken Qazaqstan halqyna tıesili. Sizder ony ýaqytsha paıdalanyp otyrsyzdar, ol sizderdiń menshikterińiz emes. Sondyqtan daǵdarys jaǵdaıynda salyq tómendetildi, sóıtip birshama qysym joıyldy. Alaıda taý-ken ónerkásibi ónimderiniń baǵasy ósken kezde, memleket renttiń bir bóligin jer qoınaýyn paıdalanýshylarǵa salynatyn salyqty kóterý esebinen qııatyn bolady», dedi Úkimet basshysy sezde. «Óz rentabeldikterińizdi eńbek ónimdiligin jaqsartý, jańa tehnologıalardy engizý esebinen arttyryńyzdar. Baǵany konıýktorlyq arttyrý esebinen rentanyń bir bóligin biz alyp tastaıtyn bolamyz, al jaǵdaı nasharlaıtyn bolsa biz bul shekti jiberetin bolamyz. Pozıtsııa osyndaı, oılaryńyzda bolsyn», dep tujyrdy sózin Úkimet basshysy.
