Taý-ken óndirisi kásiporyndaryn damytýǵa 259 mlrd teńgeden astam ınvestıtsııa salynady

ASTANA. QazAqparat – QR Úkimeti men «Sokolov-Sarybaı ken-baıytý óndiristik birlestigi» AQ ınvestıtsııalar týraly kelisimge qol qoıýy múmkin. Tıisti qujat «Ashyq» NQA portalynda jarııalandy, dep habarlaıdy QazAqparat tilshisi.

«QR Úkimeti men «Sokolov-Sarybaı ken-baıytý óndiristik birlestigi» aktsıonerlik qoǵamy arasyndaǵy Investıtsııalyq mindettemeler týraly kelisim jobasy maquldansyn. Indýstrııa jáne ınfraqurylymdyq damý mınıstri Marat Kárimjanuly Qarabaevqa QR Úkimeti men «Sokolov-Sarybaı ken-baıytý óndiristik birlestigi» AQ arasyndaǵy ınvestıtsııalyq mindettemeler týraly kelisimge qol qoıýǵa ókilettik berilsin», - delingen Úkimet qaýlysynda.

Kelisimde jazylǵandaı, ınvestor «Sokolov-Sarybaı ken-baıytý óndiristik birlestigi» AQ mindetteme aıasynda 8 jyl ishinde taý-ken óndirisi kásipryndaryn damytýǵa 259 mlrd 205 mln teńge ınvestıtsııa salady.

Atap aıtaqanda, qarjy myna salalarǵa baǵyttalady:

- taý-ken óndirý jáne qaıta óńdeý bólimsheleri úshin jabdyqtar satyp alý – 86 mlrd 928 mln teńge;

- taý-ken salasyndaǵy kásiporyndaǵa kúrdeli jóndeý jasaý úshin – 61 mlrd 949 mln teńge;

- fabrıka kesheniniń negizgi quraldaryn jańartý úshin – 86 mlrd 200 mln teńge;

- óndirý jáne qaıta óńdeý qýattarynda IT júıelerin engizý, eńbekti jáne qorshaǵan ortany qorǵaý boıynsha tirkelgen aktıvterdi satyp alý, aýystyrý, qurý úshin – 24 mlrd 128 mln teńge.

Kelisim jobasy 20 sáýirge deıin kópshilik talqylaýda bolady.