Taý-ken metallýrgııa salasyndaǵy 50 iri kásiporynnyń óndiristik jabdyqtary 74% tozǵan
ASTANA. KAZINFORM – Ótken jyldan beri ónerkásip salasynda óndiristerdi jańǵyrtý úshin 433 mlrd teńge bólingen. Bul týraly QR Ónerkásip jáne qurylys mınıstri Ersaıyn Naǵaspaev aıtty.
— Óndiristik jabdyqtarynyń tozý deńgeıi 74%-ǵa jetken taý-ken metallýrgııa salasyndaǵy 50 iri kásiporyn tizimi jasaldy. Atalǵan kásiporyndardyń qyzmetin tıimdi baqylaý úshin tehnologııany qaıta jabdyqtandyrýǵa baǵyttalǵan Baqylaý kartasy ázirlendi, - dedi ol Úkimet otyrysynda.
Sondaı-aq mınıstr byltyrdan beri salaǵa qomaqty qarjy quıyla bastaǵanyn atap ótti.
— Ótken jyldan bastap kásiporyndardy qaıta jańǵyrtýdy kózdeıtin is-sharalarǵa aıtarlyqtaı qarjy bóle bastady. Mysaly, tehnıkalyq jaǵdaıdy qoldaýǵa 83 mıllıard teńge, jańǵyrtýǵa 202 mıllıard teńge, óndiristerdi keńeıtýge 148 mıllıard teńge saldy, - dedi Ersaıyn Naǵaspaev.
Aıta keteıik, buǵan deıin ótken jyly eńbek jaǵdaıyndaǵy oqys oqıǵalardan 202 adam qaza bolǵany jaıly jazǵan edik.