Taý-ken metallýrgııa ónerkásibi salasynda 11 joba iske qosylýda

ASTANA. 12 jeltoqsan. QazAqparat - Aǵymdaǵy jyldyń ІІ jartyjyldyǵynda taý-ken ónerkásibi salasynda 11 ınvestıtsııalyq joba iske qosylýda,

dep habarlady QR Indýstrııa jáne jańa tehnologııalar mınıstrligi Pm.kz saıtyna.

«Jalpy quny 35,5 mlrd. teńgeni quraıtyn 11 ınvestıtsııalyq jobany iske qosý kózdelgen, sol arqyly 1,8 myń jumys orny ashylady», - delingen vedomstvonyń habarlamasynda.

Atalǵan óndirister elde jańa ekonomıkalyq ósim ortalyqtaryn qurýǵa, basym baǵyttardy damytýdy teńdestirýge múmkindik beretin údemeli ındýstrııaldy-ınnovatsııalyq damý baǵdarlamasy aıasynda júzege asyrylýda.