Taý-ken qutqarý qyzmeti jeke menshikten mınıstrlikke qaıtarylýy múmkin – mınıstr
ASTANA. KAZINFORM – Tótenshe jaǵdaılar mınıstri Shyńǵys Árinov ortalyq kommýnıkatsııalar qyzmetinde ótken brıfıngide taý-ken qutqarý qyzmetin jeke menshikten mınıstrlikke qaıtarýǵak nıetti ekenin aıtty.
«Taý-ken qutqarýshylary salaǵa jeke menshik kompanııa durys qarjy bólmeıtinin aıtyp shaǵymdanǵanyn estigen shyǵarsyz. Osy qyzmetti TJM quramyna qaıtarýǵa qalaı qaraısyz?» - dep surady jýrnalıst.
Shyńǵys Árinov qutqarý qyzmetteri túrine qaramastan bir vedomstvo quramynda bolý kerek dep oılaıtynyn aıtty.
«Bul máselege baılanysty meniń jeke pikirime kelsek, mınıstrliktegi jaǵdaıdy zerdeledim. Meniń topshylaýymsha, búkil qutqarý qyzmetter bir vedomstvoǵa biriktirilýi kerek ekenine senimdimin. ıAǵnı, bytyrańqylyq bolmaıdy. Qyzmetter bir-birin qaıtalamaýy kerek. Ol qyzmetterdi tıimsiz qoldanýǵa da jol berilmeıdi. Men bul máseleni túbine deıin zerdeleý týraly tapsyrma berdim. Sonyń qorytyndysy boıynsha ońtaılandyrý sharalary qabyldaıtyn shyǵarmyz. Qutqarý qyzmetteriniń sulbasyn durys oılastyrsaq, bul bizge qaterdiń bárine jedel den qoıýǵa múmkindik beredi. ıAǵnı, taý-ken qutqarý qyzmetin mınıstrlikke qaıtarý baǵytynda qadam jasaımyz», - dedi mınıstr.
