Táý etýshi evreıler mingen ushaq shuǵyl qonýǵa májbúr boldy
ASTANA. QazAqparat - Evreı táý etýshileri mingen brıtandyq Titan Airways áýe kompanııasynyń charterlik reısi ushaqta sańylaýdyń paıda bolýyna baılanysty tótenshe jaǵdaıda Amsterdamǵa qondy.
Oqıǵa jeksenbi kúni, 19 naýryzda Londonnan Polshanyń Jeshý qalasyna ushý barysynda oryn alǵan. Qysymnyń tómendeýinen salon ishindegi jolaýshylar ottegi betperdelerin kıip, qudaıǵa jalbaryna bastaǵan. Baqytqa oraı, áýe kemesi Amsterdamnyń Shıphol áýejaıyna sátti qondy. TJ saldarynan eshkim zardap shekken joq.
Jyl saıyn naýryz aıynda ıýdeılikter Polshaǵa táý etýge attanady. Olar Polshanyń Lıjensk qalasyndaǵy hasıdızmniń polıaktik tarmaǵynyń negizin qalaýshy Rabı Elımeleh qabirine barady.
