Tatıana Tokarnıtskaıa: Biz myqty bolyp oralamyz
AIChI.KAZINFORM — Qazaqstandyq baıdarka jáne kanoe esýshi Tatıana Tokarnıtskaıa Japonııada ótip jatqan HH jazǵy Azııa oıyndarynda eki júlde jeńip aldy. Sportshy Kazinform tilshisine bergen shaǵyn suhbatynda jarys nátıjesin qortyndylap, komandanyń bolashaq jospary týraly aıtty.
Tatıana Tokarnıtskaıa júlde úshin baryn salǵanyn jasyrmady.
— Aqtyq báseke eshqashan ońaı bolmaıdy. Biz qarsylastardyń myqty ekenin, básekelestik kúshti bolatynyn bildik. Sý aıdyny jaqsy boldy, aýaraıyda tamasha. Júlde úshin bar kúshimizdi saldyq, qola medal buıyrdy, — dedi ol.
Qazaqstandyq sportshy aldaǵy ýaqytta daıyndyqty jaqsartýdy josparlap otyrǵanyn aıtty.
— Alda daıyndyq jumystaryna qaıta kirisip, deńgeıdi kóterýge kúsh salamyz. Kelesi jylǵa deıin komanda quramyn kúsheıtip, budanda myqty bolyp oralamyz, — dedi Tatıana Tokarnıtskaıa.
Aıta keterligi, Tatıana Tokarnıtskaıa komandalasy Olga Shmelevamen birge juptyq baıdarka men kanoede esý jarysynda áıelder arasyndaǵy 500 metrlik qashyqtyqta kúmis júlde enshiledi.
Sondaı-aq, sportshy búgin tórttik 500 metr jarysynda qola júlde jeńip aldy.
