Tatıana Kım Wildberries kompanııasynyń bas dırektory qyzmetinen ketti
ASTANA. KAZINFORM — Alekseı Kýlıkov Wildberries kompanııasynyń jańa bas dırektory bolyp taǵaıyndaldy. Ol bul qyzmette Tatıana Kımdi almastyrdy.
Taǵaıyndaý týraly aqparat 21 qarashadaǵy Zańdy tulǵalardyń biryńǵaı memlekettik tiziliminen alynǵan úzindide kórsetilgen. Bul týraly TASS jazdy.
— Tatıana Kım RWB tobynyń strategııalyq damýyna jetekshilik etýdi jalǵastyrady, — dep habarlady kompanııanyń baspasóz qyzmeti.
Sonymen qatar kompanııa ókilderi «Vaıldberrız» 2024 jyldan beri RWB tobynyń quramyna kiretinin atap ótti. Operatsııalyq qyzmet RWB tobynyń negizgi kompanııasyna berilgen.
Uıym ókilderiniń aıtýynsha, osy ýaqyt ishinde ekojúıe qalyptasyp, jańa kásiporyndar satyp alynǵan. Al «Vaıldberrız» RWB tobynyń keıbir aktıvterine ıelik etýdi jalǵastyrǵan. Sondyqtan bas dırektordyń aýysýy kompanııanyń kúndelikti jumysyna áser etpeıdi.
Eske salaıyq, buǵan deıin Wildberries-tiń Almatyda salynyp jatqan logıstıkalyq ortalyǵyna qatysty qylmystyq is toqtatylǵanyn habarlaǵanbyz.