Tatıana Geneleva maýntınbaıktan Azııa serııasynda kúmis júldeger atandy
ASTANA. KAZINFORM — Qytaıdyń Gýııan qalasynda maýntınbaıktan Azııa serııasynyń týrnıri aıaqtaldy, dep habarlaıdy UOK baspasóz qyzmeti.
Qazaqstandyq Tatıana Geneleva áıelder arasyndaǵy HSS dıstsıplınasynda kúmis júldege ıe boldy. Otandasymyz qashyqtyqty 25:06 ýaqytta júrip ótti.
Altyn medaldi qytaılyq Tın Van jeńip aldy — 24:14.
Taǵy bir qytaılyq sportshy Tszyı Chjan qola júldege ıe boldy.
Buǵan deıin maýntınbaıktan Qazaqstan ulttyq quramasy Malaızııanyń Kýchıng qalasynda ótken halyqaralyq týrnırde úsh medal jeńip alǵanyn jazǵanbyz.
