Táttiqumarlar júrek talmasyna jıi dýshar bolady
ASTANA. QazAqparat - Dámi til úıirer tátti taǵamdar adamdardyń júrek aýrýyna shaldyǵýyna ákep soqtyrady. Al kúnine bir bótelke gazdalǵan sýsyn ishetinder kóp uzamaı júrek aýrýynan kóz jumýy yqtımal. Qanttyń ózi artyq salmaqqa alyp keledi, bul óz kezeginde júrekke aýyr.
Ǵalymdar onmyńdaǵan amerıkalyqtyń qantty tutyný deńgeıi men júrek aýrýlarynan kóz jumýdyń jıiligin salystyryp kórdi. Osynyń arqasynda ólim-jitim men qantty mólsherden tys tutynýdyń arasynda baılanys bary anyqtaldy. Eger adam kúndizgi tamaqtan bólingen kalorııalardyń 1/4 bóligin qanttan alǵan bolsa, demek onyń ómirine úsh ese qaýip tónedi. Dúnıejúzilik densaýlyq saqtaý uıymy onyń deńgeıin 10 paıyzdan asyrmaýǵa keńes beredi, dep habarlaıdy MedDaily.
Alaıda, batys elderiniń jasy da, kárisi de qanty kóp taǵamdardy jıi tutynady. Mamandar satyp alǵan azyq-túlikter men sýsyndardyń qoraptarynan qanttyń mólsherin oqyp, ony tutyný deńgeıin qatań qadaǵalap otyrý qajet dep otyr. Eger belgili bir taǵamnyń quramynda 100 grammnyń ishinde 22,5 gramm qant bolsa, ol joǵary dep esepteledi. 100 grammda 5 gramm qant mólsheri kezdesse, bul eń tómengi deńgeı dep sanalady.
