Tátti sýsyndar bala mıynyń damýyna keri áser etedi
ASTANA. QazAqparat - Ońtústik Kalıfornııa ýnıversıtetiniń qyzmetkerleri jasóspirim kúnine bir quty gazdalǵan sýsyn ishse, este saqtaý qabileti nasharlaıdy degen qorytyndyǵa keldi. Sondaı-aq, tátti sýsyndar olardyń bilim ıgerý qabiletine de keri áser etedi eken.
Budan basqa, gazdy sýsyn ishken jasóspirimder arasynda semirý jıilep, agressııasy artady eken. Doktor Skott Kanoskı: «tátti sýsynǵa qosylǵan tazartylǵan kómirsýlar asqazannyń metabolıkalyq buzylýyna ákeletini qupııa emes» ekenin atap ótti.
«Mı jumysynyń buzylýyna kelsek, onyń qyzmeti báseńdep, qorshaǵan orta týraly mańyzdy aqparatty este saqtaý qabileti nasharlaıdy eken. Eger jasóspirim shaqta gazdy sýsyndy kóp ishse, mundaı jaǵdaıdan qashyp qutyla almaıdy ekensiń».
Ýnıversıtet tátti sýsynǵa júrgizgen tájirıbe aıasynda eresek tyshqandar men jasóspirim tyshqandardy testileýden ótkizdi, dep habarlady Meddaily. Nátıjesinde eresek tyshqandar tájirıbe bastalǵannan keıin bir aı ótken soń este saqtaý qyzmetine júrgizilgen testte qalypty nátıje kórsetti. Al balǵyn tyshqandar jańa aqparatty nashar qabyldap, ony ıgerýi báseńdeı tústi. Ári olardyń mıynyń bilim qabyldaý men este saqtaý qyzmetin baqylaıtyn aımaǵynyń qabynǵany baıqaldy.
