TATMEDIA basshysy dástúrli BAQ-tyń aldyndaǵy basty syn-tegeýrinderdi atady

NUR-SULTAN. QazAqparat – «TATMEDIA» AQ bas dırektory Shámil Sadyqov dástúrli buqaralyq aqparat quraldary betpe-bet kelip otyrǵan basty syn-tegeýrinderdi atady, dep habarlaıdy QazAqparat tilshisi.

«Bizde 43 aýdan men 15-ke tarta qala bar. Árbir aýdan ortalyǵynda bizdiń fılıal jumys istep tur. Tatmedıa agenttiginiń quramynda gazet, radıo, televıdenıe jumys istep tur. Máselen mátin kúıindegi gazetter men saıttardyń bári de agenttik quramyndaǵy gazetti keshenge (oǵan 80-ge tarta gazet kiredi) kiredi. Odan bólek Tatarstan 24 arnasy – qalalar men aýdandardaǵy barlyq telearnalardyń jelisin qosyp tur. Taǵy bir jeli – tatar tilindegi radıolardyń bári de bir jelige biriktirilgen. Odan bólek biz agenttiktiń ártúrli áleýmettik jelilerindegi toptaryn (300-ge tarta) bir basqarý ortalyǵyna biriktirdik», - dedi Shámil Sadyqov Lı Astana Media Week 2020 sharasynyń «Mýltıplatformalyq» plenarlyq sessııasynda.

Shámil Sadyqovtyń aıtýynsha qazirgi ýaqytta dástúrli BAQ, onyń ishinde televıdenıe, gazet, radıo óziniń áleýmettik jelilerdegi ókildikteri bar bolǵanda ǵana ómir súrý quqyǵyna ıe bolady.

«Bul – dástúrli BAQ-tyń aldyndaǵy basty tegeýrin. Tatarstanda biz jalpy ári negizgi qaǵıdat osy ekenine kóz jetkizip otyrmyz. Dástúrli BAQ jarııa etken kez kelgen materıal áleýmettik jelige taratylýy kerek», - dedi ol.

Aıta ketsek eloradada Astana Media Week 2020 sharasy ótkizilýde. Іs-sharanyń negizgi maqsaty – otandyq medıasalany damytý men ındýstrııadaǵy iskerlik qarym-qatynasty aımaqtyq jáne halyqaralyq deńgeıde ilgeriletý. Medıa aptalyq tórtinshi jyl qatarynan álemniń túpkir-túpkirinen jetekshi sarapshylardy dástúrli túrde jınap keledi jáne ózekti taqyryptar talqylanady.

Foto: tatar-inform.ru