Tatarstannyń joǵarǵy soty esirtki úshin zańsyz sottalǵan qazaqstandyqty qamaýda qaldyrdy
ASTANA. QazAqparat - Tatarstannyń joǵarǵy soty prokýratýranyń esirtki saýdasy úshin zańsyz 10 jyl túrmede otyrǵan qazaqstandyqqa qatysty sot sheshiminiń kúshin joıý týraly ótinishin quptamady, dep habarlady AIF-Kazan Qazan quqyq qorǵaý ortalyǵynyń baspasóz qyzmetine silteme jasap.
Symbat Oǵanovty aqtaýdy suraǵan quqyq qorǵaýshylar TR Joǵarǵy sotynyń sheshimine joǵary turǵan sot ınstantsııasyna shaǵym jasamaq.
Eske sala keteıik, 2005 jyly Naberejnye Chelny qalalyq soty Qazaqstan azamaty Symbat Oǵanovty kontrabanda jáne esirtki saýdasy qylmysyna aıypty dep tanyp, 15 jylǵa bostandyǵynan aıyrdy. Tatarstannyń joǵarǵy soty jazany 1,5 jylǵa jeńildetti.
Іs materıaldaryna sáıkes, 2005 jyly Avtogradta Oǵanov óziniń sybaılasyna 500 myń rýblge shamamen 10 kg gashısh bergen. Polıtseıler Oǵanov esirtkini Qazaqstannan «halyqaralyq baqylanatyn jetkizý» sharasy arqyly jetkizgenin aıtqan.
Sottalǵan kinásyn moıyndamaı, túrli ınstantsııalarǵa derekterdiń burmalanǵanyn aıtyp shaǵymdanǵan. Oǵanovtyń «sybaılasynyń» (esirtki saýdasy boıynsha sottalǵan) 2005 jyly 10 shildede Naberejnye Chelny qalasynda bolmaǵany belgili boldy. Óıtkeni bul kezde ol Qazaqstanda jergilikti tergeýshilerdiń suraǵyna jaýap bergen. Sonymen qatar mılıtsııalyq basshylyqtyń «halyqaralyq baqylanatyn jetkizý» sharasyn ótkizý jáne oǵan qyzmetkerlerin engizý týraly qaýlysy bolǵan emes. Osylaısha, osyndaı sot sheshiminiń shyǵýyna negiz bolǵan derekterdiń dálel bola almaıtyny anyqtaldy. Sóz sońynda Tatarstan prokýrory Ildýs Nafıkov sot sheshiminiń shyǵýyna negiz bolǵan TR boıynsha ІІM jedel-izdestirý qyzmetiniń materıaldary burmalanǵanyn aıtty.
