Tatarstannyń halyqaralyq áýejaıyna Ǵabdýlla Toqaıdyń esimi berildi
QAZAN. QazAqparat - «Qazan» halyqaralyq áýejaıyna tanymal tatar aqyny Ǵabdýlla Toqaıdyń esimi berildi, dep habarlaıdy QazAqparat «Tatar-ınform» agenttigine silteme jasap.
Búgin RF Prezıdenti Vladımır Pýtınniń 2018 jyldyń 28 qarashadaǵy «Jeke geografııalyq nysandarǵa Otanǵa sińirgen eńbegi bar tulǵalardyń esimderin berý týraly» buıryǵy jarııalanǵandyǵy týraly buǵan deıin habarlaǵan bolatynbyz.
Ǵabdýlla Toqaı - tatar halyq aqyny, ádebı synshy, pýblıtsıst jáne aýdarmashy. Ol tatar tili men ádebıetiniń negizin salýǵa atsalysyp, poezııa mektebin ashqan. Búkil ǵumyryn tatar halqyna qyzmet etýmen ótkizgen.
