Tatarstannan ShQO-ǵa tájirıbeli dárigerler keledi
NUR-SULTAN. QazAqparat - Taıaýda Tatarstannan 20-dan astam tájirıbeli maman ShQO-ǵa keledi. Bul týraly Shyǵys Qazaqstan oblysynyń ákimi Danıal Ahmetov oblystaǵy COVID-19 jaǵdaıy týraly tikeleı efırde ótken brıfıngide aıtty, dep habarlaıdy QazAqparat tilshisi.
«Oblysta 82 adam, onyń ishinde 51-i pnevmonııadan, 22-si koronavırýs jáne basqa da qosymsha dertten qaza tapty. Jaqynyn joǵaltqan otbasylarǵa qaıǵyra kóńil aıtamyn», - deıdi oblys ákimi Danıal Ahmetov.
Onyń aıtýynsha, oblysta kompıýterlik tomografııa múmkindigi kúsheıtilgen.
«Kezekti boldyrmas úshin Óskemen, Semeıdegi úsh medıtsınalyq mekeme oblystaǵy aýdandardy bólip alyp, sol aýdandardan kelgen naýqastardy qaraıdy. 55 elektrondyq rentgendi qoldanatyn bolamyz. 277 reanımatsııalyq oryn daıyndadyq. Joǵary tehnıkalyq oryndarda asa aýyr jaǵdaıdaǵy adamdar jatady. Búgingi tańda naýqastarǵa qaraý úshin qosymsha 148 dáriger, 197 medbıke jumysqa tartyldy. Qazirgi ýaqytta Tatarstan prezıdentimen kelisimge keldik. Jaqyn ýaqytta ol jaqtan 20-dan astam tájirıbeli maman ShQO-ǵa bizdiń dárigerlerge keńes berýge keledi», - deıdi ol.
