Tatarstandaǵy qandastarǵa bilim, mádenıet salasynda kómek berilmek

NUR-SULTAN. QazAqparat – «Dúnıejúzi qazaqtarynyń qaýymdastyǵy» men «Tatarlardyń dúnıejúzilik kongresi» halyqaralyq odaǵy yntymaqtastyq týraly memorandýmǵa qol qoıdy. Bul týraly QazAqparat Qaýymdastyqtyń baspasóz qyzmetine silteme jasap habarlaıdy.

Memorandýmǵa Dúnıejúzi qazaqtary qaýymdastyǵy tóraǵasynyń birinshi orynbasary Zaýytbek Turysbekov pen Dúnıejúzilik tatarlar kongresi ulttyq keńesiniń tóraǵasy Vasılıı Shaıhrazıev qol qoıdy

Memorandýmnyń basty maqsat – eki el arasyndaǵy baýyrlastyq dostyqty nyǵaıtý jáne Reseı Federatsııasynyń Tatarstandaǵy qandastarǵa bilim, mádenıet salasynda kómek qolyn sozý.

«Bizdiń baýyrlas halyqtardy tek qana ortaq din, salt-dástúr, týystas tilder emes, sonymen qatar kúnnen-kúnge berik bolyp kele jatqan kóp ǵasyrlyq dostyq baılanystyrady. Osy jyly H. Dosmuhamedov atyndaǵy Atyraý ýnıversıteti men Qazaq Federaldy ýnıversıteti, «Shapaǵat» qoǵamdyq qory men Tatarstan musylmandarynyń rýhanı basqarmasy qol qoıǵan Kelisimder eki halyq arasyndaǵy áriptestik shekarasyn keńeıtip keledi. Budan bólek, elimizdiń túrli óńirlerinde ózge de birlesken josparlar júzege asýda, - dedi Qazaqstandyq tatarlar jáne bashqurttar kongresiniń jetekshisi, Dúnıejúzilik tatarlar kongresi ulttyq keńesi tóraǵasynyń orynbasary Taýfık Karımov.