Tatarstanda jyljymaly zoobaq órtendi
ASTANA. QazAqparat - Chıstopol qalasynda (Tatarstan Respýblıkasy) saýda úıleriniń birinde bolǵan órtten, jyljymaly zoobaq janyp ketti. 60 janýardyń tek 14-i ǵana qutqaryldy.
Órttiń alǵashqy bes mınýttarynda dúkenniń qyzmetkeri tórt maımyldy, bes totyqusty jáne bes reptılııany qutqaryp úlgergen. Qutqarý jumystaryn ary qaraı jalǵastyrýǵa qoıý tútin kedergi keltirdi, dep habarlaıdy TASS. Oqıǵa ornyna jetken qutqarýshylarǵa ǵımarattaǵy janýarlar týraly aıtylmaǵan.
Órt týraly habarlama saýda ortalyǵynyń kúzetshisinen keshqurym kelip tústi. Chıstopoldegi tilsiz jaýdy aýyzdyqtaýǵa Nıjnekamskıı jáne Alekseevskıı garnızondary da jumyldyrylǵan.
