Tatarstanda Jańa jyl merekesinen soń úıine jaıaý qaıtpaq bolǵan turǵyn dalada qatyp qaldy
NUR-SULTAN. QazAqparat – Jańa jyl merekesinde oıyn-saýyq klýbynda dostarymen ishimdik iship, merekeni erekshe atap ótken Naberejnye chelny turǵyny aıazdy kúnde úıine jaıaý qaıtpaq bolǵan.
Bul týraly QazAqparat «Tatar-ınform» aqparat agenttigine silteme jasap habarlaıdy.
Jaqynda polıtsııa qyzmetkerlerine jańa jyldan keıin úıine oralmaǵan jigittiń ata-anasy habarlasyp, mán-jaıdy aıtqan. Jańa jyl túni olardyń 21 jastaǵy uly oıyn-saýyq klýbyna baryp, ishimdik ishken. Odan keıin jas jigit qandaı jaǵdaıǵa tap bolǵanyn eshkim bilmeıtin bolyp shyqty.
Jas jigittiń máıiti 37-keshendegi kásiporyn mańynan tabyldy. Onyń denesinde zorlyq belgileri bolmaǵan. Saraptama nátıjesi kórsetkendeı, jas jigit aıazda úsip, kóz jumǵan.
Ol eki dosymen ishimdik iship, keıin úıine jaıaý qaıtpaq bolǵan. Úıine qaıtyp bara jatqan ol jolda qulap qalyp, qaıtadan ornynan tura almaǵan. Uıaly telefony máıittiń janynda bolǵan.
