Tatarstanda shaǵyn ushaq qulap, 2 adam qaza tapty
Tatar Inform aqparat agenttiginiń habarlaýynsha, Reseıdiń Tatarstan boıynsha tótenshe jaǵdaı mınıstrliginiń baspasóz qyzmeti jeńil motorly «Ermak» ushaǵynyń apatqa ushyraǵanyn rastady.
Oqıǵa saǵat 12.54-te Almetev aýdany Kaleıkıno aýylynyń janyndaǵy tas jolǵa jaqyn jerde bolǵan. Ushaq tasjolǵa sátsiz qonyp, saldarynan eki adam kóz jumǵan.
«Órttiń aldyn alý úshin órt sóndirýshiler kóbik shashyp, qutqarýshylar qaza bolǵandardyń denelerin ushaqtap alyp shyǵardy», – dep jazady TJM baspasóz qyzmeti.
Apattyń sebebi ázirge belgisiz.
Resmı aqparatta Almetev aýdany prokýrorynyń birinshi orynbasary Marsel Gımaevtyń oqıǵa ornyna shyqqany habarlandy.
«Іsti Kamsk kólik prokýratýrasy qadaǵalap otyr. Bul bólimniń qyzmetkerleri de oqıǵa ornyna shyqty. Mán-jaılar anyqtalýda», - dedi Tatarstan Respýblıkasy prokýrorynyń aǵa kómekshisi Rýslan Galıev.
Prokýratýranyń málimetinshe, oqıǵa saldarynan er adam (ushqysh) men áıel jolaýshy qaza tapqan.
Ushaq Almetev aeroklýbyna tıesili bolyp shyqty. Onyń ıesi Býgýlma eldi mekeniniń 51 jastaǵy turǵyny ekeni belgili boldy.
Reseıdiń tergeý komıteti oıǵanyń alǵashqy yqtımal sebebin atady.
Kóliktegi tergeý basqarmasy basshysynyń aǵa kómekshisi Dmıtrıı Zaharovtyń aıtýynsha, ushaq atalmysh aerodromǵa jóndeý úshin ákelingen degen derek bar.
«Onyń mindetine ushý-qoný jolaǵynda ushaqtyń jerdegi júrisin tekserý ǵana kirgen. Al ol áýege óz betimen, ruqsatsyz kóterilgen. Saldarynan sátsiz qonyp, qaıǵyly jaǵdaı tirkeldi», – dedi Dmıtrıı Zaharov.
