Tatarstanda kólik tizgindegen qyz 3 balany qaǵyp óltirdi
ASTANA. KAZNFORM – Tatarstannyń Menzelınskıı aýdanynda kólik tizgindegen qyz 3 balany qaǵyp óltirdi. Bul týraly reseılik TASS agenttigine jedel qyzmet ókilderi habarlaǵan.
«Joǵary Takermen aýylyna jol jıegimen 5 bala ketip bara jatqan. Úsheýin kólik qaǵyp, mert boldy. Kólikti 1987 jylǵy qyz basqaryp kele jatqan», - dep habarlady agentikke derekkóz.
Sondaı-aq ol úsheýinen ózge bala zardap shekpegenin jetkizdi.
Respýblıka prokýratýrasynyń Telegram-kanalynda Menzelınskıı aýdany prokýrorynyń mindetin atqarýshy Tımýr Gabdýllın jol-kólik oqıǵasynyń saǵat 18:00 kezinde bolǵanyn atap ótti. Qyz bala Toyota Camry kóligin basqaryp kele jatqan. Al balalar alǵan jaraqattarynan dárigerler kelgenshe jan tapsyrǵan.
TASS agenttiginiń habarlaýynsha, respýblıka prokýratýrasy oqıǵanyń ornyn tekserip, qylmystyq is qozǵaý máselesi qarastarylyp jatyr. Oqıǵa ornynda tergeýshiler jumys istep jatyr, tekserý uıymdastyrylǵan.
