Tatarstanda Qazaq kınosynyń kúnderi ótedi
QAZAN. QazAqparat - 15-18 naýryz kúnderi aralyǵynda Tatarstannyń Qazan qalasynda Qazaq kınosynyń kúnderi ótedi. Bul týraly Reseıdegi Qazaqstan elshiliginiń resmı saıtynda habarlandy.
«Mır» kınoteatryna kelýshilerdiń nazaryna alty kınofılm usynylatyn bolady. Olar - «Juldyzdar toǵysqanda», «Qazaq handyǵy. Almas qylysh», «Ámire», «Oralman», «Talan» jáne «Anaǵa aparar jol».
«Qazandaǵy kórsetilimnen soń Qazaq kınosynyń aptalyǵy Tatarstannyń aýdandarynda jalǵasady. Barlyq kórsetilimderge kirý tegin», - delingen elshilik málimetinde.
