Tatarstanda halyqaralyq túrkologııa konferentsııasy ótedi
2018 jyldyń 12-14 sáýir aralyǵynda Tatarstanda Qazan Federaldy ýnıversıteti (QFÝ) «Túrki álemi: túrki halyqtarynyń tili, ádebıeti, tarıhy men mádenıetindegi máseleler» taqyrybyndaǵy IX Halyqaralyq túrkologııa konferentsııasyn uıymdastyrady.
Reseı Federatsııasynyń Bilim jáne ǵylym mınıstrliginiń qoldaýymen uıymdastyrylǵan jıyn QFÝ janyndaǵy Elabuǵa ınstıtýtynda ótedi.
Konferentsııa jumysy negizinen 6 baǵytta órbıdi dep josparlanǵan. Olar: Túrki halyqtarynyń ádebeti men folklory, zamanaýı túrkologııanyń ózekti máseleleri, Túrki halyqtarynyń toponımderi men onomastıkasy, Lıngvomádenıettaný men aýdarma isiniń ózekti máseleleri, Túrki halyqtarynyń tarıhy men mádenıeti, Túrki tilderi men ádebıetin oqytýdaǵy jańa úderister sekildi taqyryptardy qamtıdy.
