Tatarstanda eki aılyq nemeresin shelekke tastaı salǵan áje jazalanatyn boldy
ASTANA. QazAqparat - Tatarstanda nemeresin óltirmek bolǵan egde áıel 9 jyl bas bostandyǵynan aıyrylatyn boldy, dep habarlady TR prokýratýrasynyń baspasóz qyzmeti. Bul týraly zpravda.ru saıty jazdy.
2015 jylǵy 23 sáýirde Qazan qalasynda araqqa sylqııa toıǵan 51 jastaǵy Rýzalııa Ǵaınýllına eki aılyq nemeresiniń jylaı bergenine shydaı almaı ony kóterip alyp, edenge laqtyryp jibergen. Sosyn balany balkonda turǵan shelekke aparyp tastaǵan.
Alaıda, týystary nárestege ýaqtyly kómek kórsetip úlgergen. Balanyń densaýlyǵyna zııan kelip, basynan jaralanǵan. Áıel óz kinásin moıyndamady. Sot oǵan jalpy rejimdegi túzeý kolonııasynda 9 jyl bas bostandyǵynan aıyrý jazasyn taǵaıyndady.
