Tatarstanda «Altyn adam» kórmesi ashyldy
ASTANA. QazAqparat - «Uly dala: tarıh jáne mádenıet» kórmesi Qazandaǵy «Manej» kórme zalynda ashyldy. Kórme Tatarstandaǵy Qazaqstannyń mádenı kúnderiniń bastamasy boldy, dep habarlaıdy QazAqparat.
«Qazaqstan men Tatarstan mádenıet mınıstrlikteriniń qoldaýymen «Altyn adamnyń álem mýzeılerine sherýiniń» saltanatty ashylýy jáne Qazaqstan kınosynyń kúnderi ótti. Kóp rahmet, qurmetti Arystanbek Muhamedıuly», - dep qýanyshty habarymen bólisti Qazandaǵy Qazaqstannyń bas konsýly Erkin Tuqymov Faceebook-tegi paraqshasynda.
Altyn adam kórmesi 15 sáýirge deıin jalǵasady. Óz kezeginde qazaqstandyq kıno kúnderi «Altyn taq», «Ámire», «Oralman», «Talan», «Anaǵa aparar jol» fılmderin usyndy. Olarǵa kirk tegin», - dep atap ótti Erkin Tuqymov.
«Qazan qalasyn HH ǵasyrdyń basynda qazaq ıntellıgentsııasy úshin bilim men qaıratkerliktiń mańyzdy qalalarynyń biri bolǵan. Sol sebepti ataldmysh qalanyń «Qazaqstannyń mádenı muralary» baǵdarlamasyndaǵy mańyzdy nysandardyń biri bolǵandyǵy meni qýanta», - dedi konsýl. Qazandaǵy «Uly dala: tarıh jáne mádenıet» kórmesi halyqaralyq «Altyn adamnyń álem mýzeılerine sherýi»jobasynyń aıasynda ótti.
Ekspozıtsııada «Altyn adam» atalatyn Qazaqstannyń sımvoly tanystyryldy.
Almaty tóńiregindegi saq patshasynyń baı qazba murasyn 1970 jyly argeolog Kemal Akıshev tapqan bolatyn. Qazandyqtar jaýyngermen baılanysty temir dáýirine tıesili basqa da 127 arheologııalyq qazba baılyqtarymen tanysady.
Kórme buǵan deıin Mınsk, Máskeý, Baký, Sıan, Gdansk jáne Seýl qalalarynda boldy. 2019 jyly Ózbekstan, Malaızııa, Grýzııa, Ispanııa, Italııa jáne álemniń basqa da qalalarynda uıymdastyrý josparlanyp otyr.
Eske sala ketsek, buǵan deıin de Tatarstan Respýblıkasynda «Uly dala: tarıh jáne mádenıet» kórmesi ashylatyndyǵy týraly habarlaǵan bolatynbyz.
