Tatarstanda álemdegi qar barysyn zertteý jáne saqtaýǵa qatysty konferentsııa ótedi

ASTANA. KAZINFORM — 2025 jyldyń 13-15 naýryzda Qazan qalasynda (Tatarstan) «Álemdegi qar barysyn zertteý jáne saqtaý» Kúshterdi biriktirý» atty halyqaralyq konferentsııa ótedi, dep habarlaıdy Ekologııa mınıstrligi.

қар барысы
Фото: Экология және табиғи ресурстар министрлігі

Oǵan Býtan Koroldigi, Qytaı Halyq Respýblıkasy, Úndistan Respýblıkasy, Qazaqstan Respýblıkasy, Qyrǵyz Respýblıkasy, Mońǵol Halyq Respýblıkasy, Nepal Federatıvtik Respýblıkasy, Pákistan Islam Respýblıkasy, Tájikstan Respýblıkasy, Ózbekstan Respýblıkasy, Aýǵanstan Demokratııalyq Respýblıkasy jáne Reseı Federatsııasy syndy aýmaǵynda qar barysy mekendeıtin el ókilderi qatysady.

— Konferentsııa Tatarstan Respýblıkasy men «Irbıs» qar barysyn zertteý jáne saqtaý ortalyǵy» aımaqaralyq qaýymdastyǵynyń bastamasymen ótpek. Sharaǵa atalǵan el úkimeti ókilderi, tabıǵat qorǵaý vedomstvolarynyń basshylary, ǵylym akademııalarynyń basshylary, shaqyrylǵan elderdiń joǵary bilikti ǵylymı mamandary, bıoártúrlilikti saqtaý jónindegi is-sharalardy iske asyrýǵa qoldaý kórsetetin bıznes-kompanııalardyń basshylary qatysady. Barlyq delegatsııa basshylarynyń qatysýymen ótetin konferentsııanyń plenarlyq sessııasy 14 naýryz kúni saǵat 16.00-ge josparlanǵan, — delingen Ekologııa jáne tabıǵı resýrstar mınıstrliginiń habarlamasynda.

Konferentsııanyń maqsaty:

— Qar barysy mekendeıtin elderdiń jetekshi ǵylymı uıymdarynyń atalǵan janýarlardy saqtaý jáne zertteý salasyndaǵy negizgi nátıjelerin usyný jáne tájirıbe almasý;

— Túrdi saqtaý boıynsha birlesken ári qaraıǵy tásilderdi ázirleý;

— Irbısti saqtaý máselelerinde yntymaqtastyqty kúsheıtý jáne ǵylymı jáne qoǵamdyq uıymdar, memlekettik bıliktiń, bıznestiń ýákiletti organdary arasyndaǵy ózara is-qımyldy nyǵaıtý úshin «Qazan qararynyń» deklaratıvtik qujatyn qabyldaý.

Tolyq aqparatty: 8 (843) 267-68-57, 567-88-03 telefon nómirleri nemese olga.manidicheva@tatar.ru arqyly alýǵa bolady.

Buǵan deıin Jetisý oblysynyń turǵyndary jol boıynda qar barysyn kezdestirgeni málim boldy.

Сейчас читают