Tatarstan turǵyndary aspandaǵy jaryqtyń qaıdan shyqqanyna bas qatyrýda
ASTANA. QazAqparat - Jergilikti turǵyndar Tatarstannyń birqatar qalasynyń aspanynda baıqalǵan erekshe jarqyldyń vıdeosyn áleýmettik jelige júkteýde. Olardyń aıtýynsha qubylys 7 qańtarda saǵat 0:20 shamasynda bolǵan, dep habarlaıdy QazAqparat kazanfirst.ru saıtyna silteme jasap.
Aspandaǵy jaryq Naberejnyı Chelny, Nıjnekamsk, Elabuǵa, Chıstopol, Almetevsk, Zaınsk, Mendeleevskıı men Menzelınskide kóringen.
Áleýmettik jelilerde jazýshylar aspannyń jaryqqa bólenýin tipti Reseıdiń Kırov oblysynda baıqaǵanyn aıtady.
Keıbir tatarstandyqtar oqıǵa kezinde gúrildi estigenderin jazýda. Qubylys kezinde aınala kúndiz sekildi jaryq bolyp aıqyn kóringen, birazdan soń ol qyzaryp baryp qaıta qarańǵylyq ornaǵan.
Aıta keterligi, taıaýda BAQ Jerge kóp qabatty turǵyn úıdeı kólemdi meteorıt jaqyndap qalǵanyn jazdy. Zertteýshiler de aspan denesi atmosferada janyp, qalǵan bóligi Atlant muhıtyna qulaýy múmkin dep boljam jasaýda.
