Tatarstan telekompanııasy Astanada ókildigin ashty
ASTANA. QazAqparat - Tatarstan prezıdenti Rýstam Mınnıhanov Astanada «Tatarstan - Novyı Vek» teleradıokompanııasynyń ókildigin ashty, dep habarlaıdy QazAqparat tilshisi.
«Tilshiler qosyny jumysynyń negizgi maqsaty - «TNV» telekórermenderine Qazaqstan Respýblıkasynda turatyn tatarlardyń ómirimen tanystyryp, basqa ult ókilderimen ózara árekettesý. «TNV» kanalynyń arqasynda Tatarstandaǵy ómir týraly maǵlumat alasyzdar. Búginnen bastap sizderdiń arqalaryńyzda Qazaqstandaǵy otandastarymyzdyń qalaı turyp jatqandyǵyn biletin bolamyz», - dedi Rýstam Mınnıhanov tilshiler qosynyndaǵy qyzmetkerlerge.
«Novyı Vek» TRK» AQ («TNV») bas dırektory Ilshat Amınov Tatarstannan kelgen delegatsııaǵa Qazmedıa ortalyǵynda ornalasqan TNV ókildiginiń keńsesin aralap kórsetti. Sol jerde Adelııa Týhbatova basshylyq etetin ujym tanystyryldy.
Astanadan TNV tilshiler qosynyn ashýdy Qazaqstan tatar jáne bashqurt kongressi usynǵan.
«Tatarstan - Novyı Vek» teleradıokompanııasy - Tatarstan Respýblıkasy men Edil oblysyndaǵy iri medıaholdıng. Onyń quramyna «TNV-Tatarstan», «TNV-Planeta» telearnalary jáne «Bolgar radıosy» radıostantsııasy kiredi.
