Tatarstan ánshisi meshit janynda túsirilgen beınebaıandy jeliden alyp tastady
Tatarstandyq ánshi Rezeda Ganıýllına musylman ókilderi men áleýmettik jelidegi azamattardyń narazylyǵyn týdyrǵan beınebaıanyn YouTube jelisinen alyp tastady, dep habarlaıdy rg.ru.
ASTANA. QazAqparat - Tatarstan Respýblıkasynyń mýftıiniń birinshi orynbasary Rýstam Batrovtyń aıtýynsha, ánshi mundaı sheshimdi musylman ókilderiniń ótinishi boıynsha qabyldaǵan.
«Mýftı Kamıl hazrat Samıgýllın shıelenisterdi beıbit jolmen sheshýdi jaqtaıdy. Ol maǵan Rezeda Ganıýlınamen keńesip, meshit janyndaǵy beınebaıandy alyp tastaý jóninde ótinish bildirýdi tapsyrdy. Meniń ótinishimdi ánshi qabyl alyp, jaǵdaıdyń osylaı bolǵany úshin keshirim surady»,-dep keltiredi Batrovtyń sózin TASS tilshisi.
Sonymen qatar mýftıdiń orynbasary ózderiniń bul áreketti qasaqana jasalǵan emes, keıbir máseelerdi túsinbegendikten bolǵan jaǵdaı retinde qabyldaıtyndyǵyn jetkizdi.
Aıta keteıik, osyǵan deıin Tatarstan ánshisi Rezeda Ganıýllınanyń meshit janynda bılep túsken beınebaıany jarııalanyp, ol áleýmettik jelide azamattardyń narazylyǵyn týdyrǵan bolatyn.
