Tata Motors avtokontserniniń basshysy bıik ǵımarattyń terezesinen qulap ketti
ASTANA. 27 qańtar. QazAqparat - Úndilik Tata Motors avtomobıl kontserniniń basqarýshy dırektory Karl Slım bıik ǵımarattyń terezesinen qulap ketip, qaza tapty.
Brıtandyq Taıland astanasy Bangkoktaǵy ǵımarattyń terezesinen qulap ketken. Munda ol kompanııa dırektorlarynyń keńesiniń kezdesýine qatysýǵa kelgen. Aldyn ala boljamdarǵa súıensek, 51 jastaǵy bıznesmen denesiniń tepe-teńdigin saqtaı almaı qalǵan, dep habarlaıdy VVS.
Slım brıtandyq Jaguar Land Rover-den basqa, Tata Motors kompanııasynyń barlyq bólimshelerin basqarǵan. Tata Motors-tyń basqarýshy dırektory qyzmetine ol 2012 jyldyń qazan aıynda, kontsernde ekonomıkalyq máseleler týyndaǵan sátte kirisken bolatyn. Buǵan deıin ol attary álemge áıgili Ulybrıtanııadaǵy Toyota men úndi jáne qytaı elderindegi General Motors kompanııalarynda jumys istegen. Slımniń basshylyǵy kezinde Tata Motors «Nano» atty arzan avtomobıl men zamanaýı jańa motorlar shyǵara bastaǵan edi.
