Tatıana Býrmıstrovaǵa «Qalanyń damýyna qosqan úlesi úshin» tósbelgisi tapsyryldy
ShYMKENT. QazAqparat - Shymkenttegi oblystyq orys drama teatrynda Qazaqstannyń eńbek sińirgen qyzmetkeri, «Parasat» ordeniniń ıegeri, dástúrli ánshi, termeshi Tatıana Býrmıstrovanyń «Áıeldiń jasy 18...» shyǵarmashylyq keshi ótti, dep habarlaıdy QazAqparat tilshisi.
Kesh bastalmas buryn, teatr foıesinde ánshi ómirinen syr shertetin «Qııaǵa qanat qaqty qansha armanym!» atty fotokórme uıymdastyryldy. «Qońyr daýys» derekti fılmi kórsetildi. Fılmde ánshiniń ómiri men óner jolyndaǵy qyzyqty da tartysty kezeńder beınelengen.
Shyǵarmashylyq kesh «Men qazaqtyń qyzymyn», «Aq tamaq» ánderi jáne teatrlandyrylǵan qoıylymdarmen bastalyp, Tatıana Býrmıstrovanyń ónerine arnalǵan óleńderden poetıkalyq kompozıtsııa, halyq ánderinen sazdy ánshashýlar men «Áıeldiń jasy 18...» syrlasý ánderi oryndaldy.
Aıta keteıik, qazaqtyń án-termesin 30 jyldan asa ýaqyttan beri dəriptep, eliniń súıispenshiligine bólenip júrgen orys qyzy Tatıana Býrmıstrova Bəıdibek aýdanyndaǵy Alǵabas aýylynda dúnıege kelgen. Qazaq tili men qasıetti qos ishekti dombyrany serik etken daryndy ənshiniń shyǵarmashylyq kontsertine oblys ákiminiń orynbasary Ulasbek Sədibekuly qatysyp, oblys basshysynyń quttyqtaýy men syı-sııapatyn tabystady. Al, Shymkent qalasynyń əkimi Ǵabıdolla Əbdirahymov «Qalanyń damýyna qosqan úlesi úshin» tósbelgisin tapsyrdy.
