Japonııadaǵy Azııa oıyndary: tasjoldaǵy velosporttan kimder óner kórsetedi
ASTANA. KAZINFORM - Tas joldaǵy velosporttan Qazaqstan áıelder quramasynyń bapkerler shtaby Japonııanyń Aıchı-Nagoıa qalalarynda ótetin 2026 jylǵy Azııa oıyndaryna qatysatyn sportshylardyń tizimin jarııalady.
Ulttyq olımpıada komıteti baspasóz qyzmetiniń habarlaýynsha, basty qurlyqtyq dodada el namysyn Rınata Sultanova, Vıoletta Kazakova jáne Elızaveta Sklıarova qorǵaıdy.
Azııa oıyndarynda otandastarymyz toptyq jarysta baq synaıdy. Sondaı-aq Rınata Sultanova ýaqyt úshin ótetin jarystyń jekeleı synynda óner kórsetedi.
Buǵan deıin Qazaqstan erler quramasynyń tizimi jarııalanǵan bolatyn. Onyń quramyna Alekseı Lýtsenko, Evgenıı Fedorov jáne Nıkolıa Vınokýrov endi.
Aıta keteıik, 2026 jylǵy jazǵy Azııa oıyndary 19 qyrkúıekte bastalyp, 4 qazanǵa deıin jalǵasady.
Osyǵan deıin ashyq sýda júzýden jasóspirimder arasyndaǵy álem chempıonatynda el namysyn kimder qorǵaıtynyn jazdyq.
